அறிவே தெய்வம்...
ஆயிரந் தெய்வங்களை உண்டென்று தேடி
அலையும் அறிவிலிகள்-பல்
லாயிரம் வேதம் அறிவொன்றே தெய்வமுன்
டாமெனல் கேளீரோ?

மாடனை காடனை வேடனைப் போற்றி
மயங்கும் மதியிலிகாள் -எத
னூடும்நின் றோங்கும் அறிவொன்றே
தெய்வமென்றோதி யறியீரோ ?

சுத்த அறிவே சிவமென்று கூறுஞ்
சுருதிகள் கேளீரோ? -பல
பித்த மதங்களிலே தடுமாறிப்
பெருமை யழிவீரோ..?

வேடம்பல் கோடியோர் உண்மைக் குளவென்று
வேதம் புகன்றிடுமே -ஆங்கோர்
வேடத்தை நீருண்மை என்றுகொள் வீரென்றவ்
வேத மறியாதே.

நாமம்பல் கோடியோர் உண்மைக்குளவென்று
நான்மறை கூறிடுமே-ஆங்கோர்
நாமத்தை நீருண்மை என்றுகொள் வீரென்றந்
நான்மறை கண்டிலதே.

மேலும்